Shillong, jylliew 04: Ka dorbar jong kiba khraw jong ka hima mylliem mynta ka sngi kala leit ban mudui sha iing bishar pyrshah ia ka Khasi Hills Autonomous District Council (KHADC) namar ba ka kwah ban pynkylla ‘law adong’ ia kakhlaw jong ka hima kaba don ha Mawpat.
Ka Dorbar ki Bakhraw ka Hima Mylliem ka kwah ban dei ban pynsangeh ia kane ka jingkwah jong ka KHADC, namar ia katei ka jingiateh kular la leh khlem ka jingia tip lang jong ka dorbar hima.
u Syiem Khynnah jong ka Hima Mylliem,u Paiem Thwelson Manik Syiem u la ong ba ka Dorbar Bakhraw jong ka Hima ka pyrshah jur ia kane ka jingthmu jong ka KHADC hapoh ka jingialam jong u Bah Ardent M Basaiawmoit kum u CEM ban pynkylla ’Law Adong ia ka khlaw Hima Mylliem kaba don ha Mawpat, Shillong khlem da ioh ia ka jingmynur lang jong baroh ki ba kynthup naduh ki Bakhraw Batri, ki Basan, ki Myntri jong ka Dorbar Bakhraw jong ka Hima.
Ka Dorbar kala dep ruh ban phah ia ka jingweng noh ia ka jingiasoi hapdeng jong u CEM ka KHADC lem bad u Syiem ka Hima, u Pa’iem Latho Manik Syiem, ki ar ngut ki myntri ba kynthup ia u Myntri M.B Kharlukhi bad u Myntri K Langstieh sha u CEM jong ka KHADC la ong u Paiem Thwelson.
Halor katei ka jingbthah jong ka dorbar kiba khraw u u Pa’iem Latho Manik Syiem, ki ar ngut ki myntri ba kynthup ia u Myntri M.B Kharlukhi bad u Myntri K Langstieh ha ka shithi ba la phah sha u Bah Ardent hynnin ka sngi kila leit ban ai ka jingweng noh ia ka jingsoi kyrteng ia ka Agreement kaba kila ia soi ha ka 22 tarik jong u bnai Jymmang ba ladep.
u Myntri HS Sohlang ba ki 45 ngut ki bakhraw jong ka Hima kim shem la don jingtip eiei halor kane ka jingia soi bad hadien ynda ngi la ioh jingtip halor kane ngi la pynpaw ia ka jingpyrshah kaba jur bha.(SP News)
