Tura Naitung 03: Lai ngut ki pulit CRPF kila mynsaw ha ka jingiasiat bad ki dkhot ka seng lehnoh GNLA ha Bolsal A’ding, ha jan Resubelpara kaba hap hapoh jong ka North Garo Hills.
Ia kine ki lai ngut ki pulit CRPF kiba la mynsaw la kit sha Down Town Hospital Guwahati ban phah sumar. La ong ba ha kane ka jingiasiat ar ngut ki dkhot jong ka seng GNLA ruh kila mynsaw hynrei kila ioh banphet noh.
Na kane ka jaka ba la don ka jingiasiat kaba jur bha hapdeng ki pulit bad ki lehnoh ka seng GNLA la ioh ban kurup lai tylli ki pistol, hynniew tylli ki wireless phones, ka wei ka clamour mine, ar tylli ki bom grenades, bad 130 ki kuli jong ka suloi AK bym pat pyndon kam.
Ki pulit kila kam ba kane ka dei ka ktem ba shong ba sah u Philport, u area commander jong ka seng GNLA. Kat haduh ba thoh ia kane ka khubor na ka liang jong ki pulit kila ong ba ka jingthohkit ka dang iaid.(SP News)