Shillong, Nohprah 29: Mynsaw ka sngi saw ngut ki briew kila mynsaw ha ki jingiatyngkhuh kali ha ki jaka bapher bapher, lai ngut kila mynsaw ha kane ka nongbah Shillong bad u wei ha Wahlakhaw ha jan Mairang.
Ha Shillong u wei u briew u ba la tip kyrteng kum u Satya u ba dang 28 snem ka rta u la leit ban tynrah ia ki ar ngut ki briew kiba dang iaid ha lynit iaid kjat ha Lapalang Shilong, kine kiba mynsaw ki long ka Mercy Jyrwa kaba 27 snem bad u Lawrence Kharkrang ba dang 11 snem.
U nongniah jong ka kali u Satya ruh u la mynsaw ha kaba la pynkit ia ki sha Bethany Hospital Shillong da ka kali jong ka Ambulance 108.
Ha kawei pat ka jingjia ka kali Maruti Car kaba wan na Nongstoin ynda ka poi ha Wahlakhaw jan Mairang kala ia tyngkhuh bad kawei ka kali Indica kaba dang hiar ban leit sha Mairang, ha kane ka jingjia u Shaibor Lyngdoh 30 snem ka rta u ba niah ia ka Maruti Car u la mynsaw bad la pynkit ia u da ka Ambulance 108 sha Tirot Sing Memorial Hospital.
