Shillong, Kyllalyngkot 13: Mynta ka sngi ka ophis jong u Deputy Commissioner jong ka East Khasi Hills District kala pyntip ba la pynmih iaka Draft Electoral Roll jong ki MDC Konstitwensi kiba dei hapoh jong ka KHADC kiba hap hapoh jong ka East Khasi Hills District.
Ki MDC konstitwensi ki long ka 6-Sohryngkham District Council Constituency, 7-Mawkynrew District Council Constituency, 8-Nongkrem District Council Constituency, 9-Lyngkyrdem-Laitkroh District Council Constituency, 10-Nongshken District Council Constituency.
Ka 12-Mawsynram District Council Constituency, 14-Mylliem District Council Constituency, 15-Laban-Mawprem District Council Constituency, 16-Nongthymmai District Council Constituency, 17-Laitumkhrah-Malki District Council Constituency.
Ka18-Mawkhar-Pynthorumkhrah District Council Constituency, 19-Jaiaw District Council Constituency, 20-Mawlai District Council Constituency, 21-Mawphlang-Diengiei District Council Constituency and 22-Nongspung-Sohiong District Council Constituency.
Iaka Draft la pynkhreh katkum ka Rule 129 (1) jong ka Assam and Meghalaya Autonomous District (Constitution of District Councils) Rule 1951 (Parts I, II & III), kumba la pynkylla da ka Khasi Hills Autonomous District Council.
Ia ka kotpi ka don ha ophis jong Deputy Commissioner, East Khasi Hills District bad ha ki ophis jong ki Electoral Registration Officers, ki Assistant Electoral Registration Officers ha kaba ki paidbah ki lah ban leit peit ia ka kyrteng jong ki.
Kiba lah ban ioh rung ha ka electoral roll ki dei kiba 18 snem shaneng kat ha ka 1.1.2025, lada don mano mano kiba kwah ban pynrung kyrteng ne jingujor pyrshah iano iano na ka kyrteng jong u ne ka ioh rung ha ka electoral roll ki lah ban pynrung ne ujor naduh mynta ka 13-01-2025 haduh 22-01-2025 da kaba pyndap ia kip home kiba la don bad ka jingpynbeit kan long ha ka 24/1/2025 bad ia ka electoral roll kaba pura yn pynmih paidbah ha ka 27/1/2025.
