Shillong, Nailar 13: Ka tnad ka koit ka khiah kala pyntip ba mynta ka sngi kiba la test COVID-19 positive ki don 384 ngut, kiba la test bun eh mynta ka sngi dei na East Khasi Hills 146 ngut, West Jaintia Hills 53 ngut, kiba dang shitom baroh ki long 4513 ngut.
La ai jingkhein ba kiba la ioh ia ka jingkoit mynta ka sngi ki long 397 ngut, kibala koit bun eh dei na West Garo Hills 105 ngut, na East Khasi Hills 87, West Khasi Hills 83 ngut, kiba la ioh ia ka jingkoit baroh haduh mynta ka sngi ki long 65319 ngut.
Kiba khlad mynta ka sngi na kane ka jingpang ki long 13 ngut, na kine 11 ngut ki dei kiba khlem pat ai ia ka Tika, kiba khlad ki long na East Khasi Hills 9, Ri Bhoi 1, West Garo Hills 1, West Jaintia Hills 1, West Khasi Hills 1, kiba khlad haduh mynta baroh ki long 1213 ngut haduh mynta ka sngi.
