Shillong, Naitung 24: U Myntri ka tnad ka koit ka khiah u Bah A L Hek u la pyntip ba haduh ka por 5 baje mynta ka jan miet baroh ki briew kiba la test COVID-19 positive ki long 52 ngut bad na kine 31 ngut ki dei ki riew paidbah.
Kine ki 52 ngut kiba la test COVID-1 positive mynta ka sngi ki long 47 ngut ha East Khasi District, na kine 31 ngut dei ki riew paidbah, 9 ngut ki BSF bad 7 ngut ki dei na kiwei ki kynhun shipai, 3 ngut na West Jaintia Hills District bad 2 ngut ha East Jaintia Hills District.
Na pdeng kine ki riew paidbah kiba la test COVID-19 positive ar ngut ki dei ki doktor, u wei na Civil Hospital Shilong bad u wei na Nazareth Hospital, kiwei ki ba don ha pdeng ki jingsumar ki long 4 ngut ha Robert Hospital, 5 ngut ha NEIGRIHMS, 4 ngut ha Bethany Hospital.
Kiba shitom COVID-19 positive ha ka jylla baroh ki long 495 ngut, ha East Khasi Hills 419 ngut, na kine 287 ki BSF, ki riew paidbah 111 ngut bad ki shipai ki long 21 ngut, Ri Bhoi 41 ngut, East Jiantia Hills 4 ngut, West Jiantia 8 ngut, West Garo Hills 15, South West garo Hills 4, South Garo Hills 2, East Garo Hills 1 bad North garo Hills 1.
Kiba la shim nongmuna haduh mynta ki long 32401 ngut kiba la test Negative ki long 31085 ngut bad ki resolt kiba dang ong ki long 750 tylli baroh ki briew kiba la wan phai sha kane ka jylla ki long 23706 ngut.
