Shillong, Nohprah 31: Mynta ka sngi lei tai jubab ka khynnah kaba shah leh beijot hapoh ka iing bishar, kane ka jingleit ai jubab ka long halor ka FIR kaba la ai hapoh jong ka Laitumkhrah police station da ka State Commission Protection of Child Right (SCPRC) bad ha kane ka jingujor ka long pyrshah ia u Bah Julius Dorphang.
Halor kane ka jingujor kaba la ai da katei ka Commission na ka liang jong ki pulit ki dang lum shuh shuh ia ki sabut ha kaba ia dei bad kane ka jingkynnoh shah lehbeijot jong kane ka khynnah kaba dang khatsaw snem ka rta.
Ha kine ki sngi na ka liang jong ki pulit kila ong ba ka ain kan leh ia la ka jong ka bynta lada kila ioh ia ki sabut ki ba biang. Kane ka khynnah kaba la kynnoh ba kala shah leh beijot kala dep ban ai ai ia ka jubab jong ka ruh hapoh jong ka Madanriting police station.
Halor kane ka juh ka jingjia ki ar tylli ki seng ka CSWO bad ka TUR kin khot ia ka jingialang paidbah ha Laitumkhrah ha k alai tarik jong u bnai Kyllalyngkot 2017 ban ia mir jingmut kumno ban iaid sha khmat ha kaba ia dei bad kane ka kam ba ki nongleh bym man ki dei ban shah pynshitom ha ka ain.
