New Delhi, Iaiong 09: Ha kane ka sngi rakhe ia ka paskha ka sngi khuid ba kyntang ba ki khristan ki kynmaw ia ka jingmih pat u trai Jisu Khrist u myntri rangbah duh jong ka Ri India u Narendra Modi u la leit ban ban ia kynduh ia ki Bishop bad ki lyngdoh ha iing mane ha Delhi ha ka Sacred Heart Cathedral.
Ha ka twitter u myntri rangbah duh jng ka Ri India u la ong ba “Mynta ka sngi ka dei ka sngi kaba kyrpang ban rakhe ia kane ka paskha bad nga ioh ia kane ka lat ban wan jngoh ia ka Sacred Heart Cathedral ha Delhi bad nga la ia kynduh ia ki nongialam niam na ki kynhun niam khristan”.
Ha kane ka sngi ki Bishop, ki Lyngdoh, ki nongialam niam na ki kynhun khristan kila ia don lang ha kane ka sngi kaba u myntri rangbah duh jong ka Ri India u la leit ban jngoh iaka iing mane jong ka balang Kathohlk ha Sacred Heart Cathedral, Delhi.
U Myntri Rangbah duh jong ka Ri India u la ong ba ai kane ka Paskha kan wan rah ia ka jingsuk bad ka jingiatylli ha ka imlang sahlang, ha kane ka sngi la synran lang ia u myntri rangbah duh jong ka Ri India da ki katto katne ki myntri ka sorkar pdeng.
