Shillong, Naitung 26: Mynta ka sngi u myntri ba dei peit ia ki kam bor ding u AT Mondal u la leit ban jurip ia ka jingkieng Dam ha Umiam bad la ong ba ia ka jingshna pynbha ia kane ka jingkieng lah ban pyndep noh ha ba kut jong kune u bnai.
Ha kane kane ka jingleit u myntri kam bor ding u la ia kren bad ki ophisar jong ka MeECL ban tip ia ka jingtrei kala dep haduh katno, ha kane ka jingialang la don u Sanjay Goyal IAS Commissioner bad Secretary ka tnad bor ding, Managing Director ka MeECL u bah Bloomingstar Wahlang, Director Genenration bad kiwei ki ophisar.
U Myntri ha kane ka jingiakynduh u la pynpaw ia ka jingsngewkmen ban ioh ia ka jingtrei la lah ban pyndep bad la ong ba yn lah ban plie ia kane ka jingkieng ha kaba kut jong mynta u bnai bad kin ia kynduh ha ka sngi nyngkong ban shim ia ka tarik ban plie paidbah ia ka.
U myntri u la ong ba kwah ban iohi ba ka jingtrei lah ban pyndep ha kata ka rukom ba kane ka Dam kan long kaba skhem ban dang neh slem bad ka jingshngiang. Lah ban pynkynmaw ba ia ka jingtrei la sdang ha ka 14/Nohprah/2024 bad ha dien 7 bnai la lah ban pyndep.
