Shillong, Naitung 30: Ka jylla niam Archdiocese Shillong kan pynlong ia ka jingiaid paidbah ka jar jar ha ka 5th Nailar 2023 ban duwai na ka bynta ka jingsuk hapoh ka jylla Manipur kaba don mynta ha ka jinghuri hura.
Kum ka balang kala pynlong ia ki jingduwai ha kine ki sngi bad ki bnai kiba la leit, namar ka jingiakhih,bun ki long briew kila hap ban phet, ki bunbah ki iing kila shah thang, ki iing mane blei kila shah pynjot bad khlem map shuh wat iaki khynthei.
Na ka bynta ka jingsuk ha katei ka jylla Manipur ha ryngkat bad ka “Catholic Association Shillong” kaba pyniaid ia kane ka jingiaid paidbah kaba jar ka khot kawer ia ki paidbah ban ia shim bynta ha kane ka jingiaid kaba jar jar.
Ka jingiaid paidbah kaba jar jar kan sdang ha ka por 10.00 baje mynstep na madan Iewrynhep bad pynkut ha Don Bosco Stadium ha Laitumkhrah Shillong, la kyntu ia baroh ban ia poi sha kane ka jingiaid paidbah kaba jar jar.
