Shillong, Iaiong 18: U general secretary ka party UDP u Dr. Jemino Mawrhoh u la kam ba wat la ka party kam shym jop ha kane ka MDC elekshon, hynrei na ka result ka kren shai ba ki paidbah ha Garo Hills ki kyrshan ia ka party.
U Dr Mawthoh u la ong ba na ki 18 tylli ki MDC konstitwensi ba kila pynieng kyrtong ka party kala leh bhai ha ki hynniew tylli ki konstitwensi wat la ka party la bun bun snem ksm shym jop MLA ne MDC ha Garo Hills bad kum ka party kam don ia kita ki shnat jong ka party ha ki shnong ki thaw.
Ha ka jingialang ha Tura ha di en ka result jong ka MDC elekshon ki nongislam ka party kila ia kren bad ha kane ka jingiakren la shem ba ki paidbah ki aisa ka jingkyrshan ia ka party UDP bad kum ba ka paw mynta ka don ka jingkyrmen ban poi sha ka jingjop ha u 2023 MLA elekshon.
Ha kane ka MDC elekshon ka UDP kala wan ba ar ha Gusuapara konstituency ha kaba kala ioh 4286 votes, ha Tura ka UDP kala ioh 4272 votes, ha Damasa ioh 5868 votes, ha Darugre la ioh 4448 vote, ha Dengnapara la ioh 2729 vote bad na Wajesik la ioh 2315 votes.
Na kane ka MDC elekshon kala aisa mynsiem shi kat dei eh ia ka party UDP ba kan poi sha ka jingjop ha ka MLA elekshon 2023, na ka liang ka party ka aisa khublei ia baroh kiba la ai jingkyrshan ia ka party UDP ha kand ka MDC elekshon ong u Dr Mawthoh ha ka kyrwoh.
