Shillong, Nohprah 20: Da ki spah ngut ki nonghikai SSA hapoh jong ka lama jong ka AMSSASTA kiba khlem pat shah pyntbit ha ki kam hikai mynta ka sngi kila ia shim bynta ha ka jingiakhih shong kyllain mungor mynta ka sngi ha khmat jong ka Additional Secretarait.
U Bah L Magnar president jong ka AMSSASTA u la ong b aka rai kaba kila shim ha dien ba kila pynkut ia ka jingiakhih jong ki mynta ka sngi ka long ba kin phah da ka jingthoh sha ka Ministry Human Resource’s Development jong ka sorkar pdeng ban pan jingpynshai halor ka tulop jong ki nonghikai SSA.
Katkum ka jingtip ka jong ki ka long ba ka MHRD ka la mang tang kawei ka tulop ia ki nonghikai SSA kiba ha UP School bad LP School, hynrei ynda poi sha ka sorkar jylla pat ka pyniapher kane kaba ka seng ka kwah jingtip kada ka MHRD kala phah ia ka jingpynshai kin hun beit hynrei lada kila ioh ia ka jingpynshai na ka sorkar pdeng ka long da kumwei ka seng seng kan sa khot biang ia ka Genenral Meeting.
Lada ka MHRD ka ai jingpynshai ba dei na katei ka tand jong ka sorkar pdeng ba pyniapher ia ka jingsiew ia ka tulop jong ki nonghikai SSA kiba la shah hikai kyrpang bad kibym pat shah hikai kyrpang ki kin pdiang bad lada ki ioh pat ia ka jubab b aka MHRD ka mang kum juh ia baroh ka seng kam banse ban ai da ka PIL ha poh iing bishar.
U bah Mangar u la ong ba kumba ka long kaei kaba kila ioh n aka MHRD ka long ba ka sorkar pdeng kam shym pyniapher ia ka tulop jong ki nonghikai SSA kiba hikai ha kane ka jylla bad ha kiwei ki jylla ruh kam shym don ka jingpyniapher ha kaba ia dei bad ka jingsiew.
