Shillong, Iaiong 18: Ka jylla Meghalaya kaba don 22,26,567 lak ngut ki nongthep vote , la shai ka sngi kin shim ia ka rai ia no ban phah ban long MP sha Lok Sabha na kane ka jylla kaba don tang ar tylli ki Parliament Konstitwensi. K a jingiathep vote kan sdang por 7.00 baje mynstep bad yn khang ha ka por 4.00 baje jan miet.
Ki kyrtong kiba ia khun ia kane ka MP Elekshon sha Lok Sabha ki don 10 ngut, na ka 1-Shillong (ST) Parliamentary Konstitwensi ki don 6 ngut bad ki MLA Konstitwensi ki don 36 tylli bad na ka 2-Tura (ST) Parliamentary Konstitwensi kin don saw ngut ki kyrtong bad ki don 24 tylliki MLA Konstitwensi.
Ki nongthep vote haki ar tylli ki konstitwensi ki don 22,26, 567 lak ngut, ki shynrang ki don 10,99,517 lak ngut bad ki kynthei ki don 11,27,047 lak ngut, ki ba don ioh thep vote thymmai ki don 51,331 ngut , ha ka MLA elekshon 2023 ki don 21,75,236 lak ngut bad da shim na ka MP elekshon 2019 ka jingkiew ki nongthep vote ki don 3,15,195 lak ngut bad baroh ki nongthep vote ki long 19,11,372 lak ngut.
Ki jaka thep vote baroh ki don 3512 tylli, ki jaka thep vote ha ki jaka sor ki don 326 tylli katba sha ki nongkynondong ki don 3186 tylli ki jaka thep vote. Ki don 133 tylli ki jaka thep vote kiba la hap ban peit bha, 409 tylli ki jaka thep vote kiba don jingma bad 29 tylli kiba lah ban mih jingklumar.
Ki jaka thep vote ha khappud bad ka jylla Assam ki don 187 tylli bad khappud bad ka Bangladesh 140 tylli bad ki jaka thep vote kiba don ha ki jaka ba ia kam mar kylliang ki don 36 tylli, ki jaka thep vote kiba hap ban iaid lyngba ka Assam ban pi sha ki jaka thep vote ha Meghalaya ki don 128 tylli.
Ki briw kiba la phah sha baroh ki jaka thep vote kiba don 3512 tylli ki ophisar bad kiba dei ban peit ban pyniaid ia ka elekshon ki don haduh 14048 ngut. Ha ka MP elekshon 2019 ka jingpoi kiba thep vote ka long 71.42 %, ha 1-Shillong (ST) PC ka long 65.48% bad na ka 2-Tura (ST) PC ka jngpoi ki nongthep vote ki long 81.38% katb ha ka MLA elekshon 2023 kiba poi thep vote ki long 86.81 %.
