Na ki 43 ngut ki samla pule na Meghalaya ba don ha Ukraine 41 ngut kila poi sha India: Conrad

Shillong, Lber 06: U myntri rangbah ka jylla u Conrad K Sangma mynta ka sngi u la pyntip ba na ki 43 ngut ki samla  pule ka jylla kiba don ha Ukraine na kitei 41 ngut kila poi sha la ka jong ka Ri India.

Ki ar ngut kiba dang sah u myntri rangbah ka jylla lyngba ka Twitter la pyntip ba u wei la poi sha Budapest bad yn wan ialam mynta ka miet  bad wei pat don ha Ukraine hynrei la ong ba don ha jaka ba shngain ha khappud bad la rai ban shong bad kiba ha iing.

U Myntri rangbah ka jylla u Conrad K Sangma u la pynpaw ia ka jingsngewnguh ia ka sorkar pdeng kaba la trei shitom bad shim khia ban wan ialam biang ia la ki jong ki briew  na katei ka ri kaba don ha pdeng ka thma.