Shillong, Naitung 18: U Deputy Commissioner jong ka West khasi Hills District u bah Garod L.N.S Dykes mynta ka sngi la pyntip ba ki bor jong ka district administration haduh mynta kila dep ban pynpra 57 tylli ki karkhana shet Coke beain kiba don ha West Khasi Hills District.
Ia kane ka jingleit ban pynpra ka leh da ki Magistrate ha ka jingiadon lang ki pulit,la leh ia kane katkum ka hukum jong ka iing bishar jong ka High Court ka jylla Meghalaya, ka jingleit ban khynra la leh ha ka 16 bad 17 u bnai Nohprah 2022 ha kaba la shem ba ki don 57 tylli ki karkhna shet Coke beain.
Ka jingpynpra ia kine ki karkhana shet Coke beain la sdang ha u bnai Lber 2023 bad la pyndep ban pynpra lut ia kitei baroh 57 tylli la lah ban pyndep ha u bnai Iaing 2023, kane ka jingpynpra ka long ban pynthikna ba kin ym lah ban bteng biang ia ka jingtreikam jong ki.
Ban wat ia kiba don kti ha kitei ki kam beain ban pyniaid ia ki karkhna shet Coke beain la register ia ka ejahar hapoh Police Station ha Shallang, hapoh ki kyndon ain, No.39(12) 2022 hapoh ki kyndon 188/34/379/120 B IPC jong ka R/w kyndon 15 ka Environment (Protection) Act, ka kyndon ba 3 ka Explosive Substance Act bad hapoh ka kyndon 51(10) Benami Tranaction (Prohibition) Act, 2016.
Haduh mynta la lap ba kin don hynriew ngut ki briew kiba la suba don kti ha kine ki kam beain, kita ki long u Youdishthra Bhama na Assam, u Ashish Arya na Guwahati, u bah Khrawbok Rongrin na Shallang WKH District, u bah Hopeful Nongtdu na Rymbai Synrang na East Jaintia Hills District, u Yaman Bansal na Assam bad u Eras na Nongstoin.
Katba ym pat ioh ia ka kaiphot na ka committee wat bniah na ei la ioh ia u dewiong kaba la thaw da ka sorkar Meghalaya ia ki saw tylli ki karkhna shet Coke kiba biang lut ki kot ki sla ban pyniaid ka M/s Shemphang Riangshiang, ha Pyndeng Jalong, Doranggri, Shallang, M/s Rilyngngam Coke Industry, Kyllon Mathei, Shallang, M/s M.D Coke Industries, Nongkadong Vilalge, Shallang bad M/s Carbochen India, Nongdakong Village Shallang, la khang ia ki naduh ka 19 Jymmang 2023 haduh mynta.
Haba la ioh ia ka jingbit ba ka sorkar Meghalaya ban pynpra ia ki 57 tylli ki karkhna shet Coke beain kiba la shan beain la pyndon kam ia ki dynamite ban pynbethei ban pynpra ia ki Atoskhan jong ki karkhna shet Coke beain ha ka jingiadon lang ki pulit, ki briew na ka MSPCB, na ka tnd Karkhana.
Ia kane ka jingleit ban pynpra la leh hapoh ka jingpeit jong u Magistrate bah H K Thabah ba dei ADC ka WKH District bad u SDO ka Mawshynrut bad la sdang ia ka jingpynpra ia ki karkhana shet Coke naduh ka 8th Naitung 2023 haduh ka 15th Naitung 2023 la pynpra 13 tylli. Kane ka jingpynpra yn dang bteng haduh ban da pyndep lut ia baroh hapoh mynta u bnai.
Na ka bynta ka jingshangian ki nongleit nongwan la pynjari ia ka kyndon 144 CrPC ha kaba la khang pyrshah ia ki briew ba kin nym tur sha kine ki karkhan shet Coke beain kumba shikilo metter sha jan jong ki karkhna la kyntu ia ki paidba ba kin ia treilng bad ki bor jong ka ain.
