Shillong, Jymmang 04: Ki shnong kiba don hapoh jong ka South West KHasi Hills District, ka shnong Rajaju, Nonghyllam, Nongumsur, Nongjri, Nongkulang, Chibak Khonjoi kila sah dum mynta la palat lai bnai lynter naduh ba ka light kala duh naduh u Bnai Lber mynta u snem haduh kine ki sngi ka MeECL kam pat lah ban pynpoi light sha kitei ki shnong.
Na ka liang jong ki rangbah shnong katei ka thain ki buh ka jingkylli ia ka MeECL ba kumno kam lehrain ban pynpoi ia la bill light man u bnai haba tang ka light ruh kam don. Ha kano ka rukom ka MeECL ka khein bai light, ka MeECL ka dei ban jubab ia kane kumno ka mih ka bai light haba kam don light, la kylli u ban Nassar Marwein rangbah shnong ka shnong Nongumsur.
Ia kane ka juh ka jingkylli la kylli ruh da kiwei ki rangbah shnong, jong kitei ki shnong kiba khlem ioh light haduh mynta ka sngi, kaei ka daw kaba la pynlong ba kitei ki shnong kim ioh light. Ki paidbah katei ka thain kila kynnoh ba kane ka jinglip light baroh kawei na ka jingleh sting jong ka MeECL ia ki nongkyndong jong ka SWKH District.Ki rangbah shnong katei ka thain, ki dawa ba ka MeECL ka dei ban pynioh noh ia ka light sha kitei ki shnong.