Shillong, Iaiong 13: U Chief Executive Officer jong ka National Institution For Transforming India (NITI) Aayog u Amitabh Kant mynta ka sngi u la phah da ka shithi ba kyrkieh sha u Chief Secretary jong ka jylla Meghalaya, Mizoram bad Nagaland ba namar ka 14th Iaiong 2017 ka dei ka sngi Thohdieng Bakhuid, ki sorkar jylla ki lah ban pynlong ia ka Digi Dhan Melas ha kiwei ki sngi ba sngew biang na ka bynta kine ki jylla.
Ha kane ka shithi D.O kaba la phah sha ki Chief Secretary jong kine ki lai tylli ki jylla da u CEO jong ka NITI Aayog la ong ba “La shim ia ka rai ba ia ka Digi Dhan Melas ha kine ki jylla ki lah ban pynlong ia kane ka jingrakhe ha kano kano ka sngi kaba ka sorkar jylla, Meghalaya, Mizoram bad Nagaland ki lah ban pynlong ha kano kano ka sngi kaba ki sngew ia hap”.
Na kaliang jong ka sorkar jylla Meghalaya ha ka jingpynlait khubor ka sorkar mynta ka miet la ong ba dei na ka daw jong ka jingtuklar jong ka sorkar ba ka NITI Aayog kala shim ia ka rai ba namar ka 14th Iaiong 2017 ka dei ka sngi Thohdieng Bakhuid, ka jylla Meghalaya, Mizoram bad Nagaland kin pynlong noh ia ka Digi Dhan Melas ha kano kano ka sngi kaba ki sngewbit”.
