Shillong , Jylliew 20: U bah sanbor Shullai MLA jong ka Laban konstitwensi mynta ka sngi haba kren bad ki nogthoh khubor ha kaba iadei bad ka wei ka jia kaba la mih ha ki kot khubor ha kane ka taiew ba la dep ha kaba iadei bad ka jingleit khynra trading lisence jong ka KHADC ha Laban ba la pyniaid da ka tnad khaii pateng bad u bah latiplang kharkongor U EM ba dei peit ia kane.
Haba kren bad ki nogthoh khubor ha kane ka sngi u bah Sanbor shullai u la ong ka la don ka jignmih ha ki kot khubor haba iadei bad ka jing leit khynra trading lisence ha Laban ba dei u u bah Shulai u ba la khang lad ia ki briew kiba leit khynra trading lisence ha katei ka sngi bad ka ta ka jignleit jong ki kam shym la trei kam.
Hynrei u Bah Sanbor Mynta ka sngi u la ai ka jingpynshai da kaba ong “ngam dei ba nga khanglad ne leh donbor iaka tei ka jingwan jong ki hynrei nga shu kren bad kylli ia ki hato ki la pyntip ne m sha ki bor jong ka shnong lyngba ki rangbah shnong ki secretary shnong shwa ban leh ia kane”
“Bad kata ka jubab jong ki ka long em bad nga shu ai jingmut ia ki ym dei ba nga tuklar ia kata ba lada ka long kumno kumno shwa ban leh ia kane dei ban ai jingtip lang sha ki bor pyniaid jong ka shnong namar ka KHADC ruh ka ia treilang bad ki bor pyniaid jong ka shnong lyngba ki nongialam shnong te ka bha ban da pyntip sha ka shnong shwa ban leh ia kane” ong u bah Shullai.
“nga Shu ai ta ka jingmut kum u nongmih khmat khnang ban lait na kino kino ki kynruh kynram, bad ngan sngew ei ei ia ka jingong jong u bah Latiplang” la pynkut u bah Shullai.(SP News)