Shillong, Nailur 09: Haba kren kum ka kongsan ha ka jingialang ba la pynlong da ka Shillong College mynta ka sngi halor ka jingma kaba ap na ka jingkhih jumai, ka kong Ampareen Lyngdoh myntri ba dei peit ia ka kam shna iing jong ka sokar jylla ka la ong ba “ Nga la pyrshang ban pynsngewthuh ia ki briew halor ka jingma kaba ap na ka jingkhynniuh jumai”.
Kum ka myntri ba dei peit ia ki kam pynroi sor kala ialeh ban pynsngewthuh ia ki briew ha kaba ia dei bad ka rukom shna iing shna sem ba kumno ban dei ban leh khnang ba ioh ia ki iing ki sem kiba skhem bad ban lait na ki jingmynsaw. Hynrei long kaba eh ban pynsngewthuh.
Hynrei ka jingkhynniuh jumai kaba dang shu dep jia shen ki briew hapoh secretariat kila ia mih bad mareh klumar katba sha ba ki lap, hynrei ban ia kren ia ki jingma kiba lah ban mih na ka rukom shna iing khlem da peit bniah ka long kaba eh ban pynsngewthuh ia ki briew.
Ha ka jingkren jong u nonghikai jong ka skul bah u Professor Devesh Walia ba dei peit ia ka jingpule ha kaba ia dei bad ka mariang hapoh jong ka skul bah NEHU, u la ong ba ka long kaba don kam ban ia kren ha kaba ia dei bad jinglong ka mariang namar kane ka thain baroh kawei ka dei ka jaka iaid lynti jong u jumai.
Kiba la ia shim bynta ha kane ka sngi ki long ki khynnah pule jong kane ka Shillong College, ki nonghikai bad kum juh kiwei ki samla pule jong kiwei kiwei ki jaka pule ruh. Kane ka jingialang kaba la khot da ka Shillong College kaba dei ka tand pule ha kaba ia dei bad ka mariang.
Ia ka jingialang la pyniaid da u Bah BJ Mawrie ha ka jingiaphyliew jingmut kaba nyngkong, ha kaba ar la pyniaid da u Dr BM Laloo, u nongkren u Dr AC Lyngdoh Director IMD , kiwei ki nongkren ki long u Bah S Bordoloi nongai jingmut jong ka SDMA. Ka long K Wanniang ADPO, DDMA bad ia ka jingkren ai khublei da u Bah K Umdor.
