Shillong, Jylliew 29: U Chief Executive member jong ka Garo Hills Autonomous District Council u Denang T Sangma u la thoh da ka shithi sha ka sorkar jylla ban ong ba ka dei ban pynlait noh ia ka pisa kaba la mang da ka sorkar pdeng ban pyntrei ia ki kam pynroi.
Haba kren ha u SP News Agency, u Sangma u la ong ba u la dep ban thoh sha ka sorkar jylla ban ong ba ka dei ban pynlait noh ia kane ka pisa na ka bynta ban pyntrei ia ki kam pynroi jong ka GHADC, hynrei haduh mynta ka sorkar jylla ka sngap jar jar kam pat pynlait ia ka pisa.
Haba juba ia ki jingkylli U CEM jong ka GHADC u la ong ban a ka liang jong ki lain gut ki CEM jong ki lai tylli ki District Council ha kane ka jylla kid ang ia pyrkhat ba ia kynduh lang ban ia kren ia kane ka kam lada ka sorkar ka pynslem ban pynlait ia kane ka pisa.
La ong ba lada ki ioh slem ia ka pisa na ka sorkar jylla kan buh ia ki District Council ban pyntrei ia ki skhim pynroi bad kan shitom ha kaba ai ia ki certificate ha kaba pyntrei ki kam.
Halor kane ka juh ka phang na ka liang jong u CEM jong ka KHADC, kham mynshuwa u la ong ka sorkar kam pat pynlait ia ka pisa, halor ka jingong ba kin ia kynduh lang kum ki CEM kin dang ia pyrkhat.(SP News)
