Shillong, Rymphang 22: U MDC barim jong ka KHADC na Jaiaw Konstitwensi u bah Martamlin Pyrbot mynta ka sngi u la leit ban pyniasoh biang bad ka party BJP ia kaba la pdiang burom da u State President u bah Ernest Mawri ha ophis treikam ka seng mynta ka sngi.
Haba kren ha ki lat pathai khubor ha dien dep ban pynrung sha ka party, u bah Martamlin la ong ba u la don ha ka party BJP ha ki snem 1992 ha ka por ba long President u bah Moina Sing Phylut bad haba wan biang sha ka party mynta ka sngi u la jied kyrpang ia kane ka sngi ba kyrpang.
La ong ba ha u snem 1993 bad 1998 haba u la ialeh na kane ka party bun ki dang tieng hynrei ki briew ki ai ka jingshaniah bad kane kala ai mynsiem ban ianeh ha ka sain pyrthei bad kumba ka long mynta u myntri rangbah duh jong ka Ri India u trei shisha na ka bynta ka Ri.
Ha kane ka sngi u bah Martamlin la ong ba u la rung sha ka party bad yn ianeh ha kane ka party kaba u la wan phai biang bad un ia neh haduh ka sngi ba un sa ring mynsiem khatduh, la ong u ha khamt ki lat pathai khubor.
Ha kane ka sngi la don ruh kiwei ki nongkit kam jong ka party ban pdiang burom bad ban ai don lang ha kane ka sngi ba u pyniasoh biang u bah Martamlin sha ka party BJP nalor u President.
