Shillong, Jylliew 19: Ka kong Rano Khymdeit ka long ong “ ngi la ia kren hapoh ka Executive Committee ban ai jait sha u Shynrang, hynrei pat shim ia ka rai”. Ia kane la ia kren ha jingialang kaba dang long shen.
Haba kren ha u SP News Agency ka EM, kong Rona kala ong ba ia kane ka jingiakren ym shym la don ha ka ‘Agenda Note’ jong ka Executive Committee, hynrei ka dei ka jingshisha ba kila ia kren pat ia kane ka phang.
Haba jubab ia ki jingkylli na ka liang jong ka EM kala ong ba ka dang shu long tang ka jingiakren hynrei kam pat don kano kano ka rai, kumta ym pat lah ban ong ei ei tang “Nga pynthikna ba ka don ka jingiakren ha ka EC”.
La ong ba lada dei ban leh ia kata, ki hap ban ia bishar bniah bha, namar kane ka kam ka ktah ia ka riti ka dustur haba ban da phijir bha lada dei ban leh ruh hap ban da ioh ia ka jingiatai kaba bniah.
Haka juh ka por kala ong ba ka jingdon jong ki hapoh jong ka KHADC ka long ba iada ia ki riti ki dustur bad ban pynbha ia ki, ia ki ain lah ban pynbha bad ban weng ruh lada don kam. Ka EM kala pynkut ia ka jingong jong ka da kaba ong ba katei ka phang ka dang long tang ka jingiakren ym pat don kano kano ka rai.(SP News)
