Shillong, Jylliew 25: U Ahtasamul Haque Chowdhury president jong ka Samgunji Chambers of Commerce jong ka Ri Bangladesh haba kren ha ki nongthoh khubor ha dien ka jingiakynduh ia u myntri rangbah ka jylla u Dr Mukul Sangma u la ong ba ka jingwan ka jong ki sha kane ka jylla ka long ban ia kren lano ka sorkar kan pynlait noh ia u Mawshun namar kiba bun ki karkhna tylliat maw ha Bangladesh kila khang lut mynta.
U Chowdhury u la ong ba kane ka jingkhang ia u Mawshun na kane ka jylla Meghalaya ka la pynplie ia ki khmat jong ki mynta ba kin phai noh sha kiwei ki Ri, kum ka Indonesia, Viatnam, China bad na kiwei ki Rib a mar jan, ka jingduh nongkan long ia ka jylla Meghalaya bad ia ki briew jong ka. Na ka jingiakynduh bad u myntri rangbah ka jylla ka long ba kan dang shim por ban lait u Mawshun na kane ka jylla.
La ong ba lada ka sorkar Meghalaya ka leh ha kane ka rukom ka jingduhnong kan long ia ki paidbah ka jylla Meghalaya. Kumba ka long ka jylla Meghalaya kam don iew shawei pat lait tang ka Bangladesh kaba ki lah ban phah mar. U la ong ba ka jingwan jong ki mynta sha kane ka nongbah Shillong ban ia kynduh ia u myntri rangbah ka jylla ban ia kren ia ka kam Mawshun.
Ka jingwan jong ki kim shym wan ban ia kren ia kata ka jingiadei ne iathied bor ding electric kane kadei ka kam jong ki ar tylli ki sorkar, ka sorkar India bad ka sorkar Bangladesh, kaba ki kwah ka long ba lada ka sorkar Meghalaya ka pynlait noh ia u Mawshun ka long ba ki karkhana ha Bangladesh kim im bad ha ka juh ka por ki briew jong kane ka jylla ruh kin im hynrei lada ka long ha kane ka rukom kin nym lah ban ap sah ki hap ban leit sha kiwei ki Ri.
