Shillong, Nailur 16: Ka shnong Nartiang kaba hap hapoh jong ka West Jiantia Hills District, ka dei ka shnong kaba la pynpaw nam ia ka jylla Meghalaya ha kaba u Mawbynna u ba jrong ba la wan baa r ha kane ka spyrthe u don ha kane ka shnong.
Wat na ka liang jong ka Archaeological jong ka sorkar pdeng ruh kala ithuh kyrpang ia kane ka jaka ba dei ban pynsah nam sa burom kumba ki dei ban sah namar kane ka jaka ka dei kaba don bun eh ki mawbynna ha kane ka jylla Meghalaya.
Na ka liang jong ka tnad Tourism, kala sdang ban shna ia ki jaka shongkai ha sawdong jong kane ka jaka ba don kine ki mawbynna kaba khlem pat pyndep haduh kine sngi, ka jingtrei kala sah teng bad kala long ka jinglehrian ia ki briew jong kane ka shnong.
U Bah Thermonki Susngi Vice president jong ka HNYF, West Jaintia Hills District haba kren ha ki nongthoh khubor mynta ka sngi ha Shillong Press club, u la ong “ngim kwah ban iohi ba ka Tourism kan wan ban pynjah burom ia ka shnong Nartiang”.
Ki jingtrei kiba ka tourism ka pyntrei ha kane ka jaka ki long ar tylli kawei ha Pdang shnong Iew bad kawei ka pung pdeng shnong, kine ki jingtrei la sdang mynta la kan dap shiphew snem, na ka liang jong ka seng kala dep ban pan da ka RTI hynrei haduh mynta kim pat iohi, lada ka seng ka ioh ia ka RTI, kan leit ban ujor sha iing bishar.
