Shillong, Jymmang 25: U Chairman jong ka Coordination Committee jong ka UDP bad ka HSPDP u Dr Donkupar Roy u la ong ba “Ngim pat ithuh ia ka seng People Democratic Front, namar u nongialam u dang dei u MLA ba la shah suspend ha ka seng Congress”.
Haba la kylli hato kane ka jingiatehlok ha pdeng kan UDP bad ka HSPDP ban ia trei lang ha kane ka elelction MLA kaban wan ha ka jylla kan pdiang ne em ia ka KHNAM bad ia ka PDF, u Dr Donkupar u la ong ba kim pat ithuh ia ka PDF namar u nongialam jong ka u dang dei u ba shah suspend ha ka seng Congress, kaba thew ia u Bah PN Syiem.
Na ka liang jong ka UDP bad ha HSPDP kiba la ia mynjur ban ia trei lang ha ka MLA Election sha ka iing dorbar thawain ha ki 36 tylli ki constituency ha ki lum khasi, na ka liang jong u Dr Donkupar u la ong ba ki long kiba la kloi ban pdiang ia ki seng riewlum lada ki wan ha kane ka jingiatreilang ban ioh ia ka jingsynshar ha u 2018.
