Shillong, Nailur 01: U samla Donal V Thabah General Secretary jong ka KSU u la ong ba kum ka seng kin dang iai beteng ia kane ka jingpeitngor ia ka jingrung jong ki briew na ka jylla Assam ha dien ba ka sorkar Assam kala pynmih ia ka phainal list jong ka NRC.
Haba ia kren bad u SP News Agency, u General secretary jong ka seng KSU u la ong ba ka jingpeit ia ka rung jong ki briew la leh hi da ki pulit jong ka jylla bad na ka liang jong ka seng ki shu ia don lang ryngkat bad ki pulit.
La iathuh ia mynta ki ia don lang bad ki pulit ha ki lai tylli ki jaka Khasi Hills dei ha Ri Bhoi District hapoh Byrnihat bad ha Jiantia Hills ha ki ar tylli ki jaka, kawei ha Umtyra bad kawei pat ha Ratachera.
La iathuh ba mynta ka sngi ki briew kiba la shah pynphai na Byrnihat ki long baroh shiphew ngut bad ia kane la leh hi da ki bor pulit jong ka tnad Infiltration. Na ka liang jong ka seng kan dang iai beteng ban peitngor ia ka jingwan rung ki briew na Assam.
