Shillong, Jylliew 22: U Bah Manstudy Nongrem nongialam ka liang pyrshah, ka kong Telinia Thangkhiew nongialam jong ka HSPDP bad u Bah Teinwell Dkhar jong ka UDP, kila ong ba kin dang hap ban ia shong pyrkhat kumno ban kin leh ha kaba ia dei bad kane ka jingjia mynta ka sngi hapoh KHADC ha kaba kila mih jyndat na ka iing dorbar.
U Bah Manstudy u la ong ba haduh mynta kim pat ia kren ei ei aiu kin leh nangne sha khmat, ia kane ka juh ka jingkren jong u tei u nongialam ka seng Congress la bynrap ruh da ka kong Telinia Thangkhiew jong ka HSPDP bad u Bah Teinwell jong ka UDP.
Kine baroh lai ngut ki nongialam kila kynnoh ba ka dei ka jingleh don bor jong u Chairman hapoh ka iing dorbar ha kaba u la konguh beit tang ia kaei kaba ong na ka EC. Ka kong Thangkhiew kala ong haba ka wanrah ia ka motion bym don jingshaniah shuh ia ka EC ka dang mut ban shim la shai ka sngi ban passed shuwa ia ka mang tyngka mynta ka sngi.
Hynrei na ka liang jong u Chairman u la pynbna hapoh jong ka iing ba kin shim ia ka motion bym don jingshaniah shuh ha dien ka por kylli jingkylli. Kane ka jingleh ka dei ka kam leh don bor namar katkum ka rule 71 jong ka AD Rule ka ong ba dei ban shim hapoh ka 24 kynta lane hapoh ar sngi, hynrei tang hapoh ka shikynta la shim pat ia ka motion bym don jingshaniah shuh.
