Shillong, Rymphang 07: U bah Lamphrang Blah mar ia shimti ia ka kam shongknor hapoh ka iing dorbar thawain ka jylla u la ong, kaba kongsan eh kalong ban peit bniah biang ia ka AD Rule ki kyndon kiba ia dei bad ka jingpyniaid ia ka dorbar ha KHADC.
Haba kren ha ki lat pathai khubor u l ong ba un sa peit bniah ia kane bad ban khot ia ka jingialang ban ia kren bniah bad lada don kam ban thaw ia kano kano ka kynhun ban peit bniah ruh sa peit da poi kata ka por, hynrei kaba kongsan ka long ban pynbha ia ka AD Rule.
Na ka liang jong u Shongknor ba thymmai ka iing dorbar la ong ba ha ka por jinglong CEM jong u bah HS Shylla bam kwai ha dwar u blei bad ha ka jinglong Shongknor ka kong Telinia Thangkhiew la pdiang hapoh ka iing dorbar ban pynkylla ia ka AD Rule ia kaba la phah sha u lat ka jylla ban ioh ia ka jingmynjur.
Haba ia dei bad kane na ka liang jong u bah Lamphrang la ong ba imat ki don jingduna ha kaba ym shym la ioh ia ka jingmynjur bad ia kane ka juh ka kam un sa shim khia ban peit kumba la kdew da u nongialam ka liang pyrshah hapoh iing dorbar u bah P N Syiem.
