Shillong,Naiwieng 18: Ka KSU Nongtynniaw Unit kaba dei ka shnat Treikam jongka KSU Warsan Lyngdoh Circle bad KSU South West Khasi Hills District myn haka 16 tarik mynta u bnai kum shibynta ban iadon bynta lang bad ki khunswet jongka shnong Nongtynniaw ki la noh synniang da u khaw ha kato ka sngi. 
Iaka kynhun jongka seng ha kato ka sngi la ialam da u samla Greaterson Nongsiang, President ka KSU Nongtynniaw Unit bad kiwei kiwei ki nongialam jong kane ka Unit. Haba kren ha kato ka sngi, naka liang jong ki nongialam ka seng ki la ong ba kane ka jingnohsynniang ka long kaba rit eh ban ia nujor bad ki jingdonkam ba man ka sngi.
kum ki khunswet hynrei ka dei tang ka mynsiem ba kum ka seng ka don ban pyni shaphi ba ki don lang bad phi haka jingmut jingpyrkhat bad ki jingdwai ba u Blei un ialam ha ka lynti iaid jongphi. Ha kajuh ka por ka seng ka pynpaw iaka jingsngewnguh iaka KSU South West Khasi Hills District bad KSU Sengkmie kiba la pynpaw iaka jingshimkhia lem iaka dong ka thain ym tang haki issues hynrei ha baroh ki bynta kiba ka unit ka donkam bad ba ki paitbah jongka Thain ki sngew donkam.
Ha kajuh ka por ka KSU Nongtynniaw Unit ka ai Khublei ruh iaki paitbah ka dong ka Thain kiba la kyrshan borbah iaka Seng ha baroh ki por bad hapdeng bun ki jingshah tynjuh kiba ju wan haki ha bun ki por. Ia kane ka kyrwoh la pahah da u samla Greaterson Nongsiang, President, KSU Nongtynniaw Unit
