Noh Synniang u bah Michael Kharsyntiew T.1.21 lakh tyngka sha ka shnong Khongtong

Shillong, Risaw 04: Kum ka dak jong ka jingrakhe ia ka Seva Pakhwada , ka sngi kha u kpa ka jaidbynriew u Mahatma Gandhi myn ha ka 2/10/22 tarik; u dkhot ka Parliament ka Rajya Sabha u Prof. Rakesh Sinha ryngkat u Bah Michael Kharsyntiew ki lah leit sha ka shnong Khongtong kaba hap hapoh ka Hima kyntoit khar-ar Shnong.

Ha kane ka jingialang na ka liang u MP u ba shim ia kane ka shnong Kongthong kum ka jaka trei ka jong u ki snem ba lah leit u lah wanrah sngewbha ia baroh ki nongshong shnong da ki medal Tama ki ba lah oh shrong kyrpang ha ka dur u Prime minister MODI bad ka jingdap 75 snem jinglait luid ka Ri India.

kine ki medal ki long kiba lah ban yn pyn donkam ba pynkhuid ia ka um dih ha la ki iing, ha katei ka jingialang la ong ba un iarap T.50 lak tyngka ha kine ki sngi na ka MP skhim ha kine ki sngi ban wan.

U bah Michael Kharsyntiew bala ia don lang ha katei ka sngi u la noh synniang T.1,21, 000/- tyngka sha ka shnong lyngba ka jingiadon lang u Sordar ka shnong bad u Samla Rangbah Jong ka shnong u Bah Rothell Khongsit.

Ia kane ka pisa la la ai na ka bynta ban pyndon kam naka bynta ka jingdonkam ban pynbha bad pynitynnad  ia ki shnong kat kum ka rai lang jong baroh ki nongshong shnong.

U lah kyrpad ruh ia ki para nongshong shnong ka jylla kum ki nongmih khmat bad ki briew ba don ba em- ba ki dei ban phai khmat shuh shuh kham bha ia kane ka shnong ka ba itynnad shisha bad ba lah pawnam bha ha kylleng ka pyrthei kum kata ka “whistling village”, kaba u ong ki don shibun bah ki jing donkam ka ne ka shnong.

Ha Kane ka sngi ban kham pynsngew tynnad shuh shuh lah ia don ryngkat sa u nongak phlim  khasi ba pawnam u bah Dapkupar Nongrum uba ki tip Kyrteng ieid u Bah Bobby, u ba lah ak ha bun tylli ki phlim khasi. Na ka liang u Bah Bobby u ruh u lah noh synniang 50 tylli ki khiew thung syntiew kiba heh ban pynitynnad shuh shuh ia ka shnong.

Shuh shuh kine baroh ki program Seva Pakhwada program lah Pynlong kum ka dak jong ka jingbteng rakhe sngi kha ka jong u Prime minister Modi naduh ka 17th tarik u September haduh mynnin ka sngi ka 02/10/22. Ia kane 2 tarik u Risaw kaba long ka sngi kha u Mahatma Gandhi – lah ioh ruh ban rakhe kum ka jingpynkhuid shnong ha ka shnong Mawkhma ha Sohra rim.

Ia Kane ka program pynkhuid shnong bala pynbeit da ka Skul Seng Khasi jong ka shnong . Une u MP u lah kular ban iarap ia ka Skul kum ka dak ban kyntiew ia ka jingnang jingstad, khamtam iaka Skul bala shah and iehbein da ka Sorkar Meghalaya. La iadon lang U President ka BJP Meghalaya Bah Ernest Mawrie bad kiwei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet