Shillong, Jymmang 25: Ka seng lehnoh kaba la shah niew beain ha ka sorkar pdeng ka HNLC, kala ong ia u myntri rangbah ka jylla u Dr Mukul Sangma ba ka long kaba la kloi na ka bynta kano kano ka jingtohkit bad kan kham bha la da tohkit ia kane ka da ka National Investigation Agency (NIA) kumba la kwah da kiwei ruh kis eng sain pyrthei. Ki jingtohkit da kiba dei jong ka sorkar jylla ka seng kan lah ban shaniah bad na ka liang jong katei ka seng ka dang kam ba ki don ki jingshisha ba u myntri rangbah u kwah ban pyndon kam ia ka seng ha ka election 2018.
U bah Sainkupar Nongtraw Publicity Secretary jong ka seng HNLC u la ong ruh ba u myntri rangbah um dei ban klet ba shisien ba u briew u la shah rai pynrem la u don ha kano kano ka kyrdan la niew ba u dei u nongleh bym man, haba phai sha u Chief Secretary jong ka jylla u la shah rai pynrem, hato ha kano ka rukomb a u myntri rangbah un pyniapher ha pdeng ka HNLC bad u KS Kropha Chief Secretary.
Na ka liang jong ka HNLC ka long ba shen ka jaboh tah sialieh kan sa paw pyrthei, kala kynnoh ba ki heh ophisar kiba lah ban don kti, ka Kong Ampareen Lyngdoh ki lah ban ngat ha ka juh ka apot kumba ngat u Chief Secretary kam ka HNLC. La ong ba ka seng HNLC ka kyndit ban iohi ia ka jingai jingkyrshan jong kita ki kynhun IAS ophisar ia u K S Kropha Chief Secretary, ka seng HNLC ka kynnoh haba shah rai pynrem kiba heh sha kdew kti kiba pyntrei ia ka ain lada shah leh pat kiba rit ba ria ki ai ka jingiaroh.
Ka seng HNLC ka kam ba ki long kiba la kloi ban ai ia ki sakhi satar sha ka Madan Soni Gandhi, hynrei ki salia ba ki shakhi kin sa shah pynduh pyndam hapoh ka jingialam jong u Dr Mukul, kynnoh katei ka seng. Lada u myntri rangbah u kren shisha ban phah tohkit u dei ban nud ban phah tohki ha ka NIA na ka bynta ban ia shai.
Halor ka jingkyntiat jong u myntri rangbah, ka seng kam sngewphylla ei ei namar ka dei ka rukom namar ba u dang bun kam namar ka don ka jingiakynad hapoh ka seng Congress, ka kynnoh ka seng HNLC, namar ha ka wei ka liang ka Congress ka kyrshan ia u bad ha kawei pat ka liang ki nongkyrshan jong ka seng Congress ki kwah ban weng ia u bad ki nongialam jong ka seng Congress kiba ha khlieh ki leh kum bym tip ei ei ia kane, na ka liang jong ka seng HNLC ka kynnoh biang ba lada u myntri rangbah um aiti ia kane ka jingtohkit sha ka NIA ka seng HNLC ka kam ba u myntri rangbah u don ei ei ban buhrieh, la ong u Bah Sainkupar Nongtraw Publicity Secretary,HNLC.
