Shillong, Jylliew 17: katkum ka khubor sorkar kaba la phah mynta ka miet ka long ba kiba la khlad ha ka jingtwa khyndew ha Tharia hapoh jong ka Ri Bhoi District ka long san ngut bad ar ngut ki dang jah haduh mynta bad bum kiba la mynsaw ha kane kajingjia ba sngewsih. La ong ba kane ka jingtwa khyndew kala jia ha ka por kumba san baje mynstep.
Ka State Disaster Response Force (SDRF) ryngkat ka tnad Civil Defence bad Home Guards, jong ka sorkar jylla mar ia ioh jingtip kila leit bran bran sha katei ka jaka ban iarap ia ki briew jong ka tei ka jaka u Bah P H Khongsngi, Deputy Controller jong ka Civil Defence, Shillong bad ki ophisar kiba dei peit ia ka, State Disaster Response Force (SDRF) kila ong ba ar ngut na kiba la khlad ki dei ki nongtrei hapoh karkhana Plywood.
Kiba khlad ki dei ka u Loba Mahanta 25 snem ka kurim jong u ka Babbi Mahanta 19 snem, kawei pat kaba dang khynnah kaba dang 12 snem ia kaba la tip kyrteng kum ka Santi Lama, kine ki dei kiba la khlad ha shen ha kane ka jingjia, ka Buna Lama 13 snem kala khlad ha Civil Hospital Shillong . katba ia ka Sima Lama 35 snem la kit sha Civil Hospital Shillong. Kawei ka met jong ka kynthei briew la lap mynta ka jan meit ia kaba ym pat lah ban tip kyrteng.
Ka jingtrei jong ka SDRF ka long ban wad shuwa ia kiba mynsaw bad kiba jah, kiba dang jah mynta kalong ka Kali Mai 60 snem bad ka khun jong ka ka Rina Lama. La ong ba ka jingtrei ban wad ia kine kiba jah ka dang iaid wat ha pdeng ka jingbym long ka suin bneng, la ong ba ka daw jong kane ka jingtwa khyndew ka dei ba ka jaka ka long kaba shu theh khyndew.
U Bah Khongsngi u la ong ba ka jingtrei ban ia leh ban wad ia kiba jah kan dang iai beteng katba dang ai lad ka suin bneng, lada ym lah ban ioh mynta ka sngi ia ki met ba dang jah ki kin sa beteng biang la shai dang step phyrngap, u M K Sangma, Joint Commandant General ki Home Guards bad u Joint Director ka Civil Defence, Meghalaya kila leit ban jngoh ia kane ka jaka.
