Tura, Jylliew 05: Mynta ka sngi kala don ka jingiasiat kaba jur hapdeng ki pulit bad ki kynhun lehnoh ha Dorama Hills ha East Garo Hills District , la ong ba kane ka jingiasiat kala neh palat ia ka ar kynta.
Haduh mynta ka jan miet ym pat lah ban ioh jingtip la ka la don ne ka jingmysnaw ha kane ka jingsiat kaba mar kylliang hapdeng ki lehnoh bad ki pulit. Ka jingkhynra ha katei ka jaka ka dang iaid ban beh krad ia ki lehnoh na katei ka jaka.
Katkum ki tyllong khubor kiba la lah ban ioh ki iathuh ba ki pulit kila ioh ban kurup ia ki ar tylli ki jaka hikai jong ki lehnoh ha katei ka jaka. Na kine ki ar tylli ki jaka la ioh ban kurup shibun ki tiar siat bad ki suloi kiba dei jong ki lehnoh.(SP News)
