Shillong, Jymmang 06: Ha ka miet sngi thohdieng ka eriong kala khi kynsan ha ki thain khappud bad ka Bangladesh, ha ryngkat ka jinghap jong u phria u ba heh bad kane ka jingkhi eriong kala ktah ia ka thain Maheskhola bad ki shnong ba marjan kaba hapoh hapoh jong ka Ranikor Block jong ka South West Khasi Hills District.
U MLA jong kane ka jaka u Martin M Danggo mynta ka sngi u la leit hi da lade sha katei ka thain ban leit ban jurip ia ka jingshah ktah jong ki paidbah nongshong shnong ha kane ka jingshah pynjulor ha ka mariang. Haduh mynta ym pat lah ban ong haduh katno ka jingjulor ka long, hynrei na ka jingpyntip jong ki briew ka long kaba la jubor.
Ka jinglynshop jong ka mariang, nalor ka eriong kaba la rat ia ki iing ki sem ki dieng ki siej, la hap ruh su u phria u ba heh, hynrei kat haduh ba thoh ia kane ka khubor ym shym pat ioh jingtip ban ong ba kan don kano kano ka jingjia kaba sngewsih.
Na ka liang jong u MLA kane ka jaka mar ia ioh ia kane ka jingtip na ki briew katei ka thain mynta ka sngi ha ka por mynstep, mynta ka sngi hi u la leit da lade ban ryngkat ki briew jong ka Ranikor Block ban leit banjurip ia kane ka jingjia ba sngewsih ba ki paidbah kila shah lynhop ha ka mariang la antad ba palat spah tylli ki iing kila shah pynjulor.
