Shillong, Iaiong 23: Mynta ka sngi ki riew ngeit Hindu kila pynlong ia ka jingiaid paidbah ban rakhe ia ka sngi burom Hanuman Jayanti. Ia kane ka jingiaid paidbah la sdang na Hanuman Mandir kaba don ha Garikhana.
Ka jingiaid paidbah ka long haduh Anjalee Petrol Pump bad na katei ka jaka la wan phai bad pynkut ia kane ka jingiaid ha ka juh ka jaka ha Garikhana, ki riew ngeit Hindu da ki spah ngut kila ia mih paidbah ban ia shim bynta ha kane ka jingleh riewblei.
Ha kane ka jingleh riew blei ba rakhe ia kane ka sngi Hanuman Jayanti kila pyrta Jai Shree Ram hapoh katei ka Mandir, kane ka jingleh kmen ia kane ka sngi ha pdeng ki Hindu ka long ka jingleh burom kaba khraw bha ba dei ha kum kane ka sngi kit ah Tilak bad Sindoor ia ki paralok.
Kiba la ia shim bynta ha kane ka jingiaid paidbah ban rakhe ia kane ka sngi burom Hanuman Jayanti ki kynthup ia ki rangbah ki long kmie ki khynnah bad u MLA jong ka 19-Shillong South u bah Sanbor Shullai u la ia don lang ban ia rakhe lang ia kane ka sngi kaba khraw.
