Shillong, Iaiong 09: Ka shad Suk Mynsiem kaba la pynlong da ka Seng Khasi Kmie Mawkhar kaba juh long man la ka snem ha Madan Weiking mynta ka sngi kala poi ha ka sngi kaba ar, ha kane ka sngi palat spah ngut ki rang samla bad ki ki thei samla kila iapoi ban ia shim bynta kane ka shad ainguh ia u nongbuh nongthaw.
Ha kane ka sngi ki nongshad kynthei bad shynrang kiba la wan ban ia shim bynta ki long na kylleng ka ri Khasi da ka riam shad tynrai kynthei bad shynrang, ha kane ka sngi da kiphew hajar ki paidbah kila ia poi sha Madan Weiking ban sakhi lang ia ka shad Suk Mynsiem.
Kane ka sha shad Suk Mynsiem kan kut la shai ka sngi, na ka liang jong ka Seng Khasi Kmie kala khot sngewbha ia u Lat ka jylla ban un wan ban sakhilang ia kane ka shad ka kmen bad na ka liang jong u Lat jylla ruh u la mynjur ban ia don lang la sha ka sngi kut jong ka Shad Suk Mynsiem.
