Shillong, Naitung 03: Nakaliang jongngi ka kynhun Meghalaya Awaken Concerned Citizen (MACC), ngi donkam ban ioh ia ka jingshai kaba pura lyngba ka Department of Health bd Family Welfare jongka Sorkar Jylla halor ka jingleit ban bret pathar noh ia ki Dawai shapoh Marten.
Ynda haba ki iohi katkum ka jingpynshai lyngba ka ophis treikam jong ka Directorate of Health bad Services (MI) la ong ba ki dawai kidei kiba la kutnoh khlem ioh pyndonkam ha kapor jongka COVID-19.
Lada ki phai halor katei ka jingpynshai nakaliang ka seng kum ka kynhun kimlah ban pdiang ia kane ka bynta namar bunsien ngim ju kham iohsngew ban lap ruh ia ki dawai ban shu leit bret pathar noh mardor khlem da lah ban pyndonkam ia ki bad kila ju iohsngew ruh ba bunsien ka jingiateh kular bad ki company bapher bapher lyngba ki ha kaba iadei ka bynta jong ki dawai lyngba ka Tnat ka koit ka khaiah.
Ka jingiatheh kular bala dei ban pynphai noh pat ia ki dawai ba la kutnoh shapoh ki Manufacture Company da kaba hap ban pynthymmai da kiwei pat. Ki Manufacturer company ki la don lypa ia ki jaka ha kaba kumno ynhap ban pyndam noh ia ki Dawai kiba la kutnoh ym daka shu bret pathar sha lum sha wah namar kane kan ktah ruh ia ka Mariang kumjuh lem bad ka Koit ka Khiah jongki briew kiba iaid sharum shaneng halor ki kam ki jam ba manla ka sngi.
Ka jingktah jong kitei ki Dawai ba la shu bret pathar nyngkong eh kanlong ka jingma kaba khraw halor ka Koit ka Khiah jong ki paidbah khamtam sha ki Shnong ba marjan kiba dang pyndonkam ia ki Umbam Umdih na ki pung ba dang markhap bad ka Marten, nalor kata ha kaba iadei bad ka Rep ka Riang lem bad kiwei pat ha ki bynta jongka jingsma khamtam kumba la ju lap man kapor ba ka Jaka Marten kaba don hapoh Mawlai Mawiong.
Kalong ka Jaka ka bym ioh shuh ia ka lyer kaba khuid wat ban ring mynsiem ha kaba shaid ba khlaiñ namar ka jingsma kaba shyrkhei haduh katta katta khamtam na ki bor jongki Dawai kiba lah ban ktah bad kane la lap ba kala long ka jingpynkheiñ noh haba phai katkum ki kyndon jong ka aon The Drugs and Cosmetics Act 1940 bad ka Rules 1945 ba la buh lyngba ka Ministry of Health and Family Welfare, jong ka sorkar pdeng ne kumjuh wat haduh ki kyndon jongki Aiñ bapher bapher.
Ka seng kala kynnoh ba ki tiar pyndonkam hapoh ki Hospital Sorkar kilong kiba tad dor haduh katta katta namar ymlah ban ioh da ki Branded Products ne kumjuh wat ki dawai ruh. Ki Materials bapher bapher la hap ban shu thied hi da ki Nongpang na shabar ki Pharmacy, la ong u bah Banshai Marbaniang President ka MACC.
