Shillong, Naitung 15: Ka ophis jong ka District School Education Officer (DSEO) East Khasi Hills District kala khot ia ka jingialang ia ki nongpyniaid skul ha ka sngi baar bad ha kane ka jingialang la bthah ia ki skul ba kin ai ia ka jingkhein halor ki kmie ki kpa jong ki khynnah ksul kiba la ai Tika bad ki bym pat ai tika.
Katkum ki thymmei khubor kiba la ioh da u SP News Agency ki iathuh ba baroh ki skul ki hap ban phah ia kane ka jingai jingpyntip sha ka ophis jong u DSEO ia ka kiba la ai Tika bad ia ki bym pat ai Tika ki kmie ki kpa. Halor katei ka jingkyrpad jong ka ophis DSEO na ka liang jong ki skul kila pan ia ki kmie ki kpa ba kin pyntip la kila dep ban ai Tika ne em sha ki skul.
Katkum ki lat khubor kiba la ioh jongtip ba ka ophis jong u DSEO ka East Khasi Hills District kala la kyrpad ia ki skul ba kin sngewbha ban pynpoi ia kane ka jingpyntip sha ka ophis ha ka 17/7/2021 kaba dei ka sngi Saitjain mynta u bnai.
