Shillong, Nohprah 24: Ka jingialang hapdeng ka Commissioner Custom jong ka North Eastern Cricle bad ki heh jong ka sorkar Bangladesh kaba la long dangshen ha kane ka nongbah Shillong kila ia kren ia shibun ki kam kiba ia dei ban kyntiew ia ka khaii pateng hapdeng kine ki ar tylli ki Ri ka Bangladesh bad ka India lyngba kane ka jylla Meghalaya.
Katkum ki thymmei khubor, ki iathuh ba na ka liang jong ki heh sorkar jong ka Ri Bangladesh kila kwah eh b aka sorkar India ka dei ban pli noh ia ka kad khaii Beltoli da ka Car Pass, ha kaba ia ka export Import ha pdeng kine ki ar tylli ki ri kin ia leit ia wan noh da ki kali.
Haba ia dei bad kane ka kam na ka liang jong ki custom jong ka North Eastern Circle ruh kila thoh sha ka jylla Meghalaya ba kan shim khia ia kane ka kam namar kane kan iarap ym tang ia ki nongkhaii hynrei kan iarap ruh ia ka jylla ha kaba ia dei bad ka ioh ka kot jong ki paidbah kane ka jylla bad khamtam eh ia ki briew kiba im sawdong jong kane ka thain.
Ka jingiakhaii kaba bun eh na kane ka jaka ka long ia u Mawshun, namar kane ka jaka ka jan sha Shylhet ka jaka ba bun bha ki karkhana pynmih dewbilat ha kane ka jaka bad bun na ki karkhana kane ka jaka ki shaniah ia u Mawshun na kane ka jylla Meghalaya.
La ioh jigntip ba na ka liang jong ki Custom kila dep ban thoh sha ka sorkar jylla hapoh jong ka tnad Commerce bad Industry hynrei kam pat jubab ei ei halor kane ka jingthoh na ka liang ki custom kin sa shim khia ia kane ka kam ban kyntu ia ka sorkar jylla ba ka dei ban ai jingbit ia ka custom ba kin pynbna ia kane ka jaka kum ka kad khaii kaba lah ban leit da ka Car Pass.
