Shillong, Jylliew 13: Ka seng Hynniewtrep Youths’ Council Sengkmie mynta ka sngi ka 13 Jylliew 2024 ka la ioh ban phah biang sa 3ngut ki samla kiba la ngop ha u drok sha ka Alive Again Foundation (AAF) ka rehabilitation centre kaba don ha Assam.
Haba ioh ban iakren bad u Bah Isaac W Basaiawmoit secretary jong ka HYC u la ong ba naduh ka 2 tarik Jymmang 2024 ba la pynbna ia ka thma pyrshah drok, ka seng khlem man thait,
ka la leit sha kylleng ki jaka , ym tang ban khynra ne thang ia ki drok hadien ba la Kynrup na ki, hynrei ka la sneng la kraw bad la phah ruh ia kine ki samla sha ki rehabilitation centre hadien ba la mynjur bad kiba ha iing jongki.
Kane kadei ka wat kaba phra, bad kumba 24 ngut ngi la phah shathie. U la pynpaw ka jingkmen ba ki paitbah ki ai ka jingiatrei lang bad ka seng khamtam kito ki long iing kiba ia kynduh jingeh.
Shwa ban pynkut u la ong lada baroh ngi iatreilang ym don jingeh ban pynduh jait ia u drok hapoh nongbah Shillong. Kane ka long katkum ka kyrwoh ba la phah da u publicity secretary ka seng Bashan Lyngdoh Mawnai.
