Shillong, Naitung 08: Mynta ka sngi ka 08/7/2023 Ka HYC Umiam Circle ka la leit ban khynra ia ki labour license bad trading license jong ki nongtrei bar jylla ha ki shnong ki ba hap ha poh jong ka Umiam Circle ki ba long ka shnong Ladumsaw bad ha sumer ha ka jingleit khynnra ka seng kala shem ba bun ki nongtrei bar jylla ba Kim don ia ka labour license hynrei ki lah ioh ban trei lait luid kat ba mon.
Na ka liang ka seng ka kyntu ia ki trai dukan bad ki kharkhana ba nangne shakhmat ha shwa ba kin wan ialam ia ki nongtrei bar jylla ki dei beit ban pynbiang shwa ia ki kot ki sla. Bad ka seng nangne sha khmat Kan nang iai bteng ban khynra ia ki trading license bad labour license jong ki barjylla ha baroh ka wei ka Area jong ka Umiam Circle. Khublei shibun.
Na ka liang jong ki nongialam jong ka HYC ia kito ki nongtrei ki bym don ia ka Labour License kala phah leit noh ia ki sha ka jaka kaba ki wan, ki nongtrei bar jylla kiba la phah ba kin leit phai noh namar kim bing ia ki kot ki sla ki don kumba 70 ngut ei ei, kane ka long katkum k kyrwoh kaba la phah da u Shaiñstar Kharpan President Umniam Circle ka seng HYC.
