Shillong, Jylliew 17: U myntri rangbah ka jylla u Dr Mukul Sangma u la ong ba u dap da ka jingsngewsih ban tip ba ka don ka jingjia ba sngewsih ha kaba bun ki mynsiem kila duh bad mynsaw na ka daw jong ka jingtwa khyndew kaba la jia ha Umiam ha Ri Bhoi District bad ha Lumkyndong kaba hap hapoh jong ka Sohra Civil Sub Division.
Na ka liang jong u myntri rangbah u phah ia kane ka khubor sngewlem sha kiba ha iing ha sem baroh ba to u Blei jong ka jingsuk un pyntgnen ia ka dohnud ba sngewsih kiba la duh ia la ki jong kiba ieit ba thoin ha kane ka jingjia ba sngewsih.
Na ka liang jong u myntri rangbah u la hukum ruh ban tohkit ia kane ka jingjia ba sngewsih ban peit la ki kharkhana kila but ne em ia baroh ki kyndon kiba la bethah ia ki la ong ba ka sorkar kala dep ban thaw ia ka State Disaster Management Authority ban peit ba lada don kano kano ka jingjia ba sngewsih kan iarap ban pynduna ia ki jingjia ba sngewsih.
