Shillong, Lber 13: U Myntri Rangbah ka jylla u Conrad K Sangma mynta ka sngi u la pynpaw ia ka jingsngewsih ban tip ba u Atul Marak mytri barim ha ka sorkar jylla u la khlad noh mynta ka sngi bad u phah ia ka khubor sngewlem sha ki khun ki kti bad kiba ha iing ha sem halor kane ka jingjia kaba sngewsih.
U Myntri Rangbah ka jylla la ong ba u Atul u la long u myntri ha ka sorkar jylla bad kum u myntri u la ai ka jingshakri sha ki paidbah ka jylla da ka jingkitkhlieh bad ka jingsngewrit ha ka por ba u long kum u nongmih khmat paidbah.
U Myntri rangbah u la pynkynmaw ba u Atul u la long ruh u paralok jong u kpa jong u bad ka jingkynmaw ia u ha Garo Hills kan nym lah ban klet kum u wei na ki nongialam ha ki lum garo.
