New Delhi, Jymmang 02: U president jong ka Ri India u Pranab Mukherjee u la phah ia ka jingsngewlem ka jong u sha baroh kito ki briew kiba la khlad bad kiba la mynsaw na ka daw jong ka jingpluh khlaw ha ka jylla Uttarakhand.
Ia kane ka khubor sngewlem na ka liang jong u president u la phah sha u Lat jong kane ka jylla u Dr K.K. Paul, ha kane ka khubor sngewlem na ka liang jong u president u la ong “ Nga dap da ka jingsngewsih ban ioh ia kane ka jingjia ha kaba ka mariang kala lynshop a kane ka jylla ha kaba la ktah ia ki bun hajar ngut ki paidbah bad kala ktah ia ka mariang.
Na ka liang jong u president u la ong ba u don ka jingkyrmen ba ka sorkar jylla Uttarakhand kan lah ban ai jingiarap ia ki paidbah ha kum kane ka jingjia ba sngewsih, u la ong ba ai ki paidbah ruh kin ïada ia ka mariang ban ai jingiada ia u khun bynriew.
Na ka liang jong u president u khot ia ki sorkar jylla bad ia ki paidbah ba kin ai lem ka jingkyrshan ia kiba la ngat ha kane ka jingshah lynshop ha ka mariang, u ong ba u buh ha ka jingduwai na ka bynta kito kiba ngat ha kane ka jingjia ba sngewsih, kane ka long katkum ka kyrwoh ba la phah da ka PIB.
