Shillong, Naiwieng 04: Mynta mynstep ha ka por khyndai baje ei ei kawei ka mini bus kaba kiew naki thain Ri Bhoi ynda kapoi ha Mawiong la kynnoh ba kala leit ban tynrah ia kawei ka kali kit mar bad ha kane ka por u nongniah kane ka bus u la leit ban tynrah pat sha kynroh.
Katkum ki lad khubor kiba la lah ban ioh la ong ba ki briew kiba don ha kane ka bus kila ia mynsaw bad kumjuh kiba don hapoh jong ka trok rit. Katkum ka jingiathuh jong ki briew kiba don ha kane ka por la ong ba u nongniah jong kane ka mini bus ha dien kane ka jingjia u la phet krad na kane ka jaka.
Na ka liang jong ki pulit kila leit ha kane ka jaka ban iarap ia kiba mynsaw bad ha ka juh ka por ban pynlong ia ka jingtohkit ban lap ia ka daw mano ba bakla ha kane ka jingiatyngkhuh kali ha kaba ki nongshong kali kila mynsaw.
