Shillong, Naitung 12: U National president jong ka seng NPP u Conrad K Sangma u ba dei ruh u MP jong ka Tura, mynta ka sngi u la plié ia ka jingkhang ban iatehlok ha ka election MLA 2018 sha ka iing dorbar thawain ka jylla.
Haba kren ha ki nongthoh khubor ha dien ba la wai ka jingialang jong ka state Executive Council committee, u la ong b aka jingialang kaba la long mynta ka sngi ka long ba ki ia kren ia ki kam jong ka party kumno ban pynkhreh i aka election jong u snem 2018.
Na ka liang jong ka seng pyn long ia Executive Council meeting ha u Nailar lane Naiwieng banjied ia ki nongkit kam kiba thymmai kum ia ka kam president jong ka jylla, u General Secretary bad kum juh ia u nongbat ia ka pla tyngka jong ka party.
Ha kane ka sngi la ong ruh ba da ka jingwan jong u FW Momin MLA barim jong ka seng Congress u ba la bat ruh ia ki kam myntri ha ki kyrdan bapher bapher ka long ka burom i aka party bad kumjuh u MLA ba la rim bha u ba mynshuwa u Bah Raison Mawsor ruh u la lan ban pyniasoh bad ka NPP.
Ka seng kala rai ban wanrah ia ka “ Kot Maiphang 2018” kaba dei ban kdew aiu ka seng NPP kan leh na ka bynta ka jylla ynda ka wan ha ka bor. La ong ba kane ka kam kam dei kaba suk bad kane ka kot maitphang kan long ka nongkdew lynti ia ka seng NPP kumno ban pyniaid ia ka jylla,
Ha kane ka sngi la pynbna ruh ba ka GHADC kan tei ia ka Cultural Centre and Museum ban pynneh pynsah ia ki riti dustur jong ka jaidbynriew Garo bad kane kan long ka jaka ruh ia ki nongpule ban wad bniah ia ka jinglong jingman jong ka jaidbynriew Garo,
