Shillong, Naitung 24: Ka ophis jong ka “Online Tent Service Centre” kaba don ha Mawkhar mynta ka sngi ka la lah ban plie bad sdang noh ia ka jingai jinghikai ka ba iadei bad ka jingpynbha briew bad ka leh khuid leh suba.
Kane ka jinghikai ka long na ka bynta ki khynnah kiba naduh ka rta 15 snem sha jrong, ia kane ka jinghikai bala tip kum ka Skill Development Program lah ia trei ryngkat bad ka office jong ka Jan Shikshan Sansthan.
Kane ka hap hapoh ka jingpeit ka Ministry jong ka Entrepreneurship And Skill Development Government jogn ka sorkar India. Hakane ka sngi la ia don ryngkat ruh U MLA jong ka Mawkyrwat Constituency u bah Renikton Lyngdoh Tongkhar ryngkat bad u Director jong ka Jan Shikshan Sansthan East Khasi Hills District.
Ka ka jing ai jing kren u Bah Jubanlang kharbihkhiew u ba long u Managing Director jong ka Online Tent Service Centre u la ai khublei ia ka Ministry Of Entrepreneurship Skill Development ha ka jing plie lad ka jong ka ia ka office jong ka Online Tent Service Centre.
Kane ka jaka ka long ban pyntreikam ia ki ba bun jait ki Skill Development kum ka Assistant Computer Operator, Beautician,Tailoring bad kiwei kiwei ki Program jong ka Skill Development.
Kum juh ruh u Director jong ka Jan Shikshan Sansthan ha ka jing ai jing kren u la pynshlur ia ki khynnah samla kiba ioh jinghikai na kine ki course ba kin iaineh bad tista ha ka Training jong ka Online Tent Service Centre.
La ong ba ka Certificate kaba kin ioh naka Ministry kan long kum ka lad ban ioh kam ioh jam bad kumjuh ruh ban ioh ia ka jing iarap ban ieng ha la ki jong ki kjat naka bynta ka seng kam seng jam.
U MLA jong ka Mawkyrwat Constituency u bah Reniktone L Tongkhar ha ka jing kren jong u u lah ia roh ia u Bah Jubanlang Kharbihkhiew naka bynta ka jing trei shitom jong I ban kyntiew ia ka sap jong ki samla ka ban long ruh kum ka lad ioh kam ioh jam lyngba ki Training bapher bapher baka jaka kaba don ban ai.
U la pynshlur ruh ia baroh ki ba ia don ha ka program ba kin trei shitom bad iaineh ha kiei kiei kiba rit shuwa, u la ai nuksa ruh lyngba ka jingtrei jong u kum u Entrepreneur. U la iathuh ruh ba watla u long kum u MLA u don ia ka juh ka jingthmu ban shakri ia ki paidbah bad ban kyntiew ia ka imlang sahlang.
U la ai khublei ruh ia I Bah Jubanlang Kharbihkhiew ba in dang iaitrei shitom ha ka ban kyntiew ia ki Training naka bynta ki khun samla ba kin lah ban ioh ia ka kam ka jam hadien jong ka Training.
Kane ka jingplie mynta ka sngi ha YMCA Mawkhar ka long ka jingsdang ba kin sa pynlong ia ki jingai jinghikai ka kylleng kylleng lyngba katei ka kynhun bad u bah Renikton u la ai khublei kyrpang ba kane kan long kaba jop.
