New Delhi, Naitung 23: “Ye AkashvaniHai”, kine ki dei ki ktien ba baroh ki briew ka ri ki lah ban sngewthuh katba la kren ia ki ha ka Rang Bhawan auditorium haAkashvaniBhawanmynta ka sngi da uAnurag Thakur, uba la bynrap“auraajaapsoochanaprasaranmantrikosunnrahehain”.
Kine ki kyntien ki la long ka dak jong ka jingplie ia ka jingrakhe ia ka National Broadcasting Day mynta ka sngi, ka sngi ba ka All India Radio ka la sdang ia ka jingiaid lynti jong ka ha ka jingshakri ia ka ri ha u snem 1927.
Ha ka jingai jingkren jong u ia kito kiba la iashim bynta ha kane ka prokram, u Myntri Sorkar Pdeng, u Anurag Thakur u la ong ba watla ki la don katto katne ngut ki briew kiba sngew ba ka radio kan shem ia ki jingeh kiba khraw na ka jingwan jong ka television bad ka internet hadien, ka radio ka don hi ia la ki jong ki nongsngap bad ka la pynneh ia la ka jingiaid kam bad ka jinglah ban shaniah.
U la ong ruh ba mynta, haba ki briew ki kwah ban sngapia ka khubor ka bym shah shiliang, ki leh ia kane da kaba sngap ia ka All India Radio bad Doordarshan news. U la ong ruh ba ka jinglah ka All India Radio ban pynpoi ia ki prokram sha 92 %jong ki jaka ka ri bad palat 99 % ki briew ka ri ka dei ka jingjop shisha.
Ha ka jingkren shaphang ka jingdonkam ia ka Radio kum ka rynsan, u Thakur u la ong ba ka ri ka la don shibun ki Myntri Rangbah Duh hynrei ym shym la don ba sngewthuh ia ka bor jong ka Radio kumba sngewthuh u Myntri Rangbah Duh, u Narendra Modiuba la pynkylla ia kane kum ka rynsan kaba nyngkong na ka bynta ka prokram Mann Ki Baat jong u kaba man u bnai, ban iasoh bad ki briew jong ka ri.
U Myntri u la kyntu ia ki lad pathai khubor ba lada ka don ka jingsngewthuhbaklahaeihaeishaphang ki lad pathai khubor shimet ha kaba ki briew ki la sdang ban pyndonkam bha ia ki kyntien ‘bishar da ki lad pathai khubor’, ka longkaba donkam bha ban puson halor ki rukom treikam bad ki kam.
U Myntri u la iaroh ia ka All India Radio bad ka Doordarshankiba la bat shisha ia ka nongrim jong ka Azadi Ka AmritMahotsav da kaba ong ba watla ka pule puthi naduh ki por ka jinglaitluid kam shym la lah ban batai shaphang ki khlawait ka jingiakhih na ki thain bapher bapher.
Ka Radio bad Doordarshanki la lumjingtip shaphang palat 500 ngut kine ki khlawait ki bym shym la paw pyrthei kiba wan na ki kyndongkynshrot jong ka ri, bad ki la pyllait ia kane ka jingtip shaphang ka bynta jong ki ha ka jingioh jinglaitluid sha baroh kawei ka ri.
U Myntri u la ban jur halor ka jingdonkam jong ki prokram kiba bha da kaba ong ba ki dei kum kine ki prokram kiba khring ia ki briew bad ba kam pherkatno tylli ki tower ki thung lada ki prokram kim dei kiba khring ia ki briew. U la pynsngew ruh ba u dap da ka jingkyrmen ba ha kane ka juk digital mynta, ka radio kan dang pynkhlain shuh shuh ia la ka bynta ha ka jingim jong ki briew.
U Myntri u la pyllait paidbah ruh ia ki promo jong ki serial ba thymmai ha Doordarshan- Corporate Sarpanch: BetiDesh Ki, Jai Bharati, Suron ka Eklavya and Ye Dil Mange More ha ryngkat ka promo jong kaStartup Champions 2.0.
U Myntri Khynnah ka tnat Information and Broadcasting, u Dr L. Muruganu la ai khubleiia kito kiba la iawan iashim bynta ha kane ka prokram ban rakhe ia ka National Broadcasting Day. U Dr Muruganu la kren shaphang ka bynta kaba kyrpang ba ka Radio ka don ha ka por jong ka jingiakhihjinglaitluid ha kaba ki nongiakhih ki la pyndonkam ia ka kum ka atiar ban pynsaphriang jingtip shaphang ki jingleh jong ka Sorkar Bilat. U la pdiang ia ka bynta jong ka radio ban pyniasoh ia ki jaka kiba kyndong tam jong ka ri bad u la ong ba u dap da ka jingsngew sarong ba ka PrasarBhartika dei ka broadcaster paidbah kaba heh tam ha ka pyrthei.
U Chief Executive Officer, PrasarBharti, uMayankAgarwalu la kren shaphang ka jingdonkam jong ka Television bad Radio hynrei u la ong ba ka kam pathai khubor lyngba kine ka la kham tlot hynrei ka dang kham khlain ban ia ki lad pathai khubor shimet haba peit na ka liang jong ka jingshaniah kumba la lap lyngba katto katne ki jingwadbniah.
U Director General, All India Radio, u N. Venudhar Reddy, ki ophisar kiba kham heh kyrdan ka PrasarBharti, Doordarshanbad All India Radio ki la iadon lang ha kane ka prokram.
