Shillong, Jymmang 17: Ka jylla Meghalaya kala jop baroh saw tylli ki jngialehkai ha ka Swami Vivekananda U-20 Men’s National Football Championship 2026, mynta ka sngi kala pynrem ia ka jylla Rajasthan 3-0.
Da kane ka jingjop kala buh ia ka jylla Meghalaya ha ka kyrdan kaba ha khlieh duh ha ka Group-A da kaba ioh 12 point bad mynta kala long kaba la bit ban poi sha ka kwaterphainal kaba don sa long ha Narainpur ka jylla Chhattisgarh.
Ka jingialehkai mynta ka sngi ka long ha ka por 7.30 baje mynstep bad ka Meghalaya kala ioh ban thep kol dang shusdang ka jingialehkai da u Mebanlamlynti Masharing na ka jingkynjat kornal jong u Imeral Jana.
Ia ka kol kaba ar la thep da Ryan Gibbs Kharnaior ia bol la kynjat na sha jngai bad ha khmat ki don lai ngut ki rangialehkai ka jylla Meghalaya bad ka Rajashthan ki don san ngut ha kane ka jingbeh u Ryan u la ioh ban rah ia ka bol sha khmat bad iakynduh para marwei bad u kol ha kaba u Ryan u la thep ia ka kol kaba ar.
Katba ka jingialehkai ka dang iaid bha shuwa ban pynsangeh ia ka jingialehkai jong ka jylla step u Phermanbha Lyngdoh u la ioh ban thep ia ka kol kaba lai bad kane kala buh ia ka Meghalaya ha ka jingpynthikna ba kin jop.
Ha kane ka jingialehkai ka jylla Meghalaya kala pynrem ia ka jylla Bihar 3-1 ha ka 9/5/2026, ia ka jylla Jharkhand 5-0 ha ka 11/5/2026, ia ka Andhra Pradesh 8-1 ha ka 13/5/2026 bad ka jylla Meghalaya kan ia kynduh ia ka kynhun Group C ha ka Kwaterphainal.
