Shillong 9 Iaiong: Watla ka don ka pakhang shnong kaba la khot da ka seng lehnoh HNLC ha ri lum khasi bad Jaintia ki paidbah kila pynkhein ia kate ia ka jingkhot ka seng lehnoh ha kaba kila ia mih bad thep ia ka vote ka jong ki. Ka jingpoi jong ki nongthep vote ha kane ka 1-Shillong parilemtary seat ka long 62 percent, la ong u CEO u P Naik.
Ka jingiathepo vote ha kane ka ri lum khasi bad Jaintia kala iaid beit ha kaba kam shym don kano kano ka jingjia ba sngewsih wat la ka don kano ka pakhang shnong na ka liang jong ka seng lehnoh HNLC.
Ki paidbah kila sdang ban ia mih ban leit thep ia ka vote ka jong ki naduh ka por 7 baje mynstep haduh ka por khang 5 baje jan miet. Na ka liang jong ki bor sorkar ruh kila pynkhlain ia ki lad ai jingiada ha ki jaka thep vote ban peit ba kan nym don kano kano ka jingjia kaba sngewsih.
Ki kyrtong kiba ia khun na kane ka 1-Shillong parliamentary seat ki don 8 ngut, ha kane ka sngi la iohi ba ki kyrtong kila leit na kawei ka polling station sha kawei pat ban tip ia ka jingwan jong ki nongthep vote.
Ka jingduna jong ki nongthep vote ka long ba ka jingbym don ki kali ba iaid ba ieng na ka daw jong ka jingkhot pakhang shnong ka HNLC kala pynlong ba bun na ki briew kiba sah ha kane ka nongbah Shillong kila hap ban pep ka leit thep vote na ka daw jong ka jingbym don ki kali.(SP News)
